भोकर :- (रमेश गंगासागरे ) तालुक्यात सर्वत्र दुबार पेरणी करूनही पावसाअभावी पीके आले नाही, आता तिसऱ्या पेरणीने परेशान झालेल्या शेतकऱ्यांनी आज सोमवार दिनांक 22 जुलै 2019 रोजी सकाळी 11 वाजता हजारो महिला व पुरुषांसह आपल्या विविध मागण्यांसाठी ढोल ताशाच्या गजरात भव्य मोर्चा काढून प्रशासनाचे लक्ष वेधून घेतले आहे.
तहसीलदार भोकर यांना दिलेल्या निवेदनात म्हटले आहे की,
१) तिसऱ्या पेरणीसाठी बियाणे व भरीव आर्थिक मदत त्वरित देण्यात यावी.
२) जनावरांसाठी चारा छावण्या तात्काळ उभारण्यात यावेत .
३) सन 2017- 18 मधील पिक विमा मंजूर करण्यात यावा .
४) तसेच प्रधानमंत्री शेतकरी सन्मान योजनेतील शेतकऱ्यांना त्वरित त्यांच्या खात्यावर पैसे जमा करण्यात यावेत,
आदी मागण्यांसह तहसीलदार भोकर यांना असंख्य शेतकरी महिला व पुरुषांच्या सहीनिशी निवेदन देण्यात आले.
0 Comments